Me tetë ekipet më të mira në Evropë ishte e pashmangshme që goglat do të rezervonin përballje të forta. Faza çerekfinale e Champions League pritet të jetë fantastike, kjo pasi goglat përplasën favoritet ndërmjet tyre

Bayern Munich do të përballet me Arsenal. Atletico Madrid, ekipi që eliminoi Inter, do të përballet në këtë fazë me Borusia Dortmund. Një përballje fantastike është ajo mes dy favoritëve kryesorë. Manchester City, ekipi kampion në fuqi, do të përballet me Real Madrid, pa diskutim përballja më e fortë në këtë fazë. Përballja tjetër në këtë sfidë është PSG-Barcelona.

Në Nion, gjatë hedhjes së shortit, është zbardhur edhe rruga drejt finales së madhe, ku edhe në fazën gjysmëfinale pritet përballje fantastike. Fituesi i çiftit, Bayern Munich-Arsenal do të përballet me fituesin e çiftit Manchester City-Real Madrid. Fituesi i çiftit Atletico Madrid-Borusia Dortmund, në fazën gjysmëfinale do të përballet me fituesin e çiftit PSG-Barcelona. /ZOOM.AL/