Aplikacion
Seferi duket në një formë mjaft të mirë në kampionatin ukrainas me ekipin e Vorskla Poltava. sh-sulmuesi i Tiranës të shtunën realizoi një dopietë nga pika e bardhë e penalltisë, ndërsa dhuroi edhe një asist.
Giacomo Vrioni i dha tre pikë mjaft të rëndësishme skuadrës së tij në kampionatin amerikan. Sulmuesi realizoi dy gola në harkun kohor të katër minutave, ndërsa e ka çuar në gjashtë numrin e golave të shënuar për New England Revolution deri më tani.
Ndërkaq, sulmuesi tjetër i kombëtares, Sokol Cikalleshi vazhdon me formën e tij të mirë, duke gjetur rrjetën në miqësoren që skuadra e tij Al-Khalej fitoi 2-0 ndaj Al-Qadsiah.
Edhe futbollistët e tjerë të kombëtares shqiptare po kalojnë një formë mjaft të mirë me klubet respektive ku pjesa më e madhe e tyre janë aktivizuar si titullarë në skuadrat e tyre, si: Ismajli, Hysaj, Balliu, Mihaj, Veseli, Abrashi, Gjasula, Ramadani, Bare, Bajrami, Asani e Uzuni, ndërsa minuta pati edhe për mesfushorin kuqezi të Interit, Kristjan Asllani, në sfidën ndaj Empolit. /zoom.al/