Gjashtë nga 8 punonjësit mbeten të zhdukur dhe shanset që të kenë mbijetuar janë zero. Ndërsa 2 persona të tjerë u shpëtuan nga uji, ku njëri është në gjendje të rëndë.

Të tetë personat ishin pjesë e një ekipi ndërtimi që po mbushte gropat në urë në atë kohë.

Zhytësit do të fillojnë operacionet e kërkimit në orën 6 të mëngjesit të së mërkurës, ndërsa zyrtarët aktualisht nuk e dinë se ku mund të gjenden trupat e viktimave.

Ministria e Punëve të Jashtme të Guatemalës tha se dy nga punëtorët e zhdukur ishin nga Guatemala. Sipas ministrisë, njëri prej punëtorëve ishte 26 vjeç dhe tjetri 35 vjeç.

Organizata jofitimprurëse CASA identifikoi një tjetër prej punëtorëve të zhdukur si Miguel Luna, nga El Salvador. Ndërsa të zhdukurit e tjerë janë nga Hondurasi dhe Meksika.