62-vjeçar vuante nga një formë e rëndë e kancerit të zorrës së trashë, e cila u diagnostikua ndërsa ishte ende në kërkim në fund të vitit 2020.

Pas kapjes së tij, Messina Denaro iu nënshtrua kimioterapisë në burgun L’Aquila ku një infermieri ishte ngritur pranë qelisë së tij.

Në 9 muajt e paraburgimit, kumbari i Castelvetrano iu nënshtrua dy operacioneve kirurgjikale.

Megjithatë ai nuk u shërua dhe mjekët vendosën të mos e kthenin sërish në burg, por ta trajtonin në një dhomë të sigurisë maksimale në spital, me qetësues.

Të premten mjekët thanë se ai kishte kaluar në koma të pakthyeshme.

Para se të humbiste ndjenjat, Matteo Messina takoi disa anëtarë të familjes dhe i dha mbiemrin vajzës së tij Lorenza Alagna, të cilën e kishte fshehur dhe nuk e kishte njohur kurrë.

Vajza, e cila e kishte takuar për herë të parë të atin në burg në prill, së bashku me një nga motrat e bosit mafioz dhe mbesën e saj Lorenza Guttadauro i qëndruan pranë në ditët e fundit.