Aplikacion
Këmbanat e alarmit në Sektorin Bankar !
Me një gjuhe paksa të drunjtë teknike “Monitor” në shkrimin “Numri i bankave me rëndësi sistemike ulet në katër, hiqet banka Intesa Sanpaolo” na informon se nga 5 banka sot kemi 4 banka të cilat janë “sistematikisht të rëndësishme” ose thënë ndryshe “to big to fail” .
Pra, nisur nga madhësia e tyre relative në treg ato nuk mund të lejohen të falimentojnë.
Këtyre bankave të mëdha në rast vështirësish u jepet një shkallë ndihme që nuk është përgjithësisht e disponueshme me ligj për sektorin e korporatave jofinanciare dhe sigurisht nuk ofrohet asnjëherë për familjet apo taksapaguesit e tjerë.
Goja mos sjelltë gjë, ose sic thonë në Vlorë “në dru e në gur”, nëse ndonjëra nga bankat BKT , Credins Raiffaisen, edhe OTP do të ishin në prag falimentimi ato do të shpëtoheshin përmes formave të ndryshme të mbështetjes masive dhe të paprecedentë të qeverisë.
Ka dy trende të rezikshme që po matrializohen në sistemin bankar e para përqendrimi i theksuar bankar, edhe e dyta ndryshimi i llojit të pronësisë së bankave brenda sistemit, të cilat do të tentojnë të ulin konkurencën por edhe sigurinë e sistemit .
Një sistem bankar i denjë ka dy funksione: të kujdeset për paratë e depozituesve dhe të bashkojë kursimtarët dhe investitorët në një marredhenie reciproke fitimprurëse. Kursimet depozitohen në banka dhe kujdesi për kursimet ka një çmim. Marrëveshjet që bankat rregullojnë ndërmjet huamarresve dhe depozituesve janë burimi i jetës së ekonomive moderne por edhe proces i rezikshëm për të cilën bankierët padyshim meritojnë të shpërblehen mirë. Pikërisht fitimi që bankierët fitojnë për ofrimin e këtij shërbimi thelbësor ekonomik përfaqëson atë që ish-rregullatori britanik Adair Turner e quante “fajde e rregulluar me ligj”.
Përqendrimi në tregjet të mirëpërcaktuara të depozitave dhe kredive përcakton presionin konkurrues brenda sektorit. Në nje treg të përqendruar sic është yni, presioni konkurues bje, edhe bankat priren të ofrojnë kushte më të këqija për klientët. Ky lloj konsolidimi , rezulton më pak lojtarë të fuqishem në treg duke rritur rrezikun e dështimit. Ndërkohë numri i madh i konsolidimeve ( bashkime edhe blerje bankash) të cilat kanë ndodhur edhe po ndodhin në tregun bankar shqiptar ( ku edhe Raiffeisen pritet të largohet edhe të blihet nga një grup shqiptar që zotron një bankë tjetër) do të rrisin barrierat për hyrjet e reja në tregun bankar edhe financiar, duke rritur fitimet e lojtarëve të mëdhënj në kuriz të kreditorëve edhe depozituesve .
Nga ana tjetër teoria standarte ekonomike na mëson që përqëndrimi ose koncentrimi brenda sektorit jo vetem rrit fitimet e lojtarëve më të fortë, por c’është më e keqja, rrit aftesitë e tyre për të përcaktuar apo ndikuar tek rregullat apo për te mos ju bindur zbatimit të tyre . Pra sektori ynë bankar rezikon të shëndrohet nga “fajdexhinjtë e rregulluar me ligj” të Adair Turner , në fajdexhinjtë e rregulluar sipas oreksit së vet fajdexhinjeve .
Problemi i dytë është ai që preku edhe FMN-ja në deklaratën e fundit. Nëse deri dje bankat që vepronin në Shqipëri zotëroheshin kryesisht nga banka të huaja europiane, sot po ndodh një zhvendosje e frikshme e pronesisë së tyre në individë edhe grupe jo financiare , kryesisht shqiptare.
Prania e bankave me aksione të konsiderueshme të mbajtura nga individë dhe grupe jofinanciare rrit rrezikun e mungesës së kapitalit edhe mjaftueshmërisë së tij , por mbi të gjitha rrit rrezikun që këto banka të hyjnë në transaksioneve të rrezikshme me palët e lidhura .
Po ashtu ekziston frika që hyrjet e reja në tregun bankar të mos kenë përvojën e nevojshme bankare apo mos të përmbushin kriteret ” fit proper”, të nevojshme për një bankë të sigurt. Pra thënë shkurt , siguria që pronarët përfitues dhe menaxherët e lartë të bankave jane të duhurit edhe të përshtatshmit për të ofruar një sherbim te tillë po bie.
U vra në sy të djalit dhe gruas – Jeta e dyfishtë e Brahimit. Familja tjetër e priste në Shqipëri