Raundi i parë i negociatave midis SHBA-së dhe Iranit për të arritur një marrëveshje përfundimtare për t’i dhënë fund luftës ka përfunduar me përparim inkurajues, sipas ndërmjetësve nga Katar dhe Pakistani.
Bisedimet filluan të dielën në Zvicër, pas marrëveshjes fillestare të javës së kaluar midis SHBA-së dhe Iranit. Bisedimet teknike do të vazhdojnë gjatë gjithë javës.
Në një deklaratë të përbashkët të hënën, Katari dhe Pakistani thanë se një Komitet i Nivelit të Lartë kishte rënë dakord për një plan veprimi drejt arritjes së një marrëveshjeje përfundimtare brenda 60 ditëve.
Ministri i Jashtëm i Iranit, Seyed Abbas Araghchi, tha se bisedimet kanë sjellë përparim të madh për t’i dhënë fund konfliktit në Liban.
Memorandumi i mirëkuptimit i nënshkruar javën e kaluar përfshin një angazhim për të arritur një marrëveshje përfundimtare brenda 60 ditëve, si dhe një fund të luftimeve në “të gjitha frontet” – përfshirë në Liban – dhe rihapjen e Ngushticës së Hormuzit.
Deklarata e përbashkët e ndërmjetësve tha se ishte formuar një linjë komunikimi për të shmangur incidentet dhe keqkomunikimin me qëllim kalimin e sigurt të anijeve tregtare përmes Ngushticës së Hormuzit.
“Nga Konispoli në Vermosh”/ Qytetarët paralajmërojnë: Të shtunën protesta më e madhe kombëtare
