Sipas mediave rozë, JLo dorëzoi dokumentet e divorcit personalisht në Los Anxhelos të martën, në të njëjtën ditë me dyvjetorin e ceremonisë së martesës së tyre të mbajtur në Gjeorgji.

Lopez njoftoi se çifti janë ndarë më 26 Prill 2024, që do të thotë se ata nuk kanë qenë bashkë për gati katër muaj.
Në maj, Lopez anuloi turneun e saj veror “This Is Me… Now”, me një deklaratë ku shkruhej: “Jennifer po merr pushim për të qenë me fëmijët, familjen dhe miqtë e saj të ngushtë”.

Ata janë fotografuar së bashku për herë të fundit në maj. Affleck mungonte dukshëm në festën e ditëlindjes së 55-të të Lopez-it në Hamptons në korrik. Ata gjithashtu nuk ishin bashkë në përvjetorin e dytë të martesës në Vegas në të njëjtin muaj.

Kjo ishte martesa e dytë e çiftit pas asaj të parës rreth 20 vite më parë.