Në fjalën e tij para Kuvendit, Basha u shpreh se në vend që të kalohen ligje në doni të qytetarëve, në Kuvend kalohen ligje në dobi të oligarkëve.

Ai shtoi se PD ka insistuar që në fillim për një Reformë Zgjedhore në shërbim të qytetarëve, ndaj ka kërkuar lista të hapura.

“Zgjedhorja është shkaku i gjithë të këqijave, sepse sjell zgjedhje të deformuara, sjell parlamentarë kokëulur, që votojnë ligje, të cilat nuk janë në dobi të qytetarëve, por të oligarkëve. Prandaj, PD ka 2 vite që fokusohet për të pasur një Reformë Zgjedhore korrekte.

Listat e hapura janë domosdoshmëri për të prishur paktin e 2008, që ua hoqi të drejtën qytetarëve, që në parlament të shkojë ai individ që duan ata e jo ata që duan kryetarët e partive. Shqipëria duhet të jetë një zonë zgjedhore, që votat nga Kukësi në Vlorë të jenë njësoj të vlefshme, sikundër duhet të votojë edhe diaspora”, u shpreh Basha ndër të tjera.

Ai tha se në Kuvend kishte një marrëveshje mes palëve që PD mos i jepej kohë për t’iu përgjigjur akuzave të hedhura.

“Kuvendi kishte 2-3 mundësi për të detyruar transparencën por duke përfituar nga aksioni pa kokë i revolucionarëve, Rama ndryshoi ligjin për komisionet hetimore. Nuk bëhet fjalë vetëm për Reformën Zgjedhore, por edhe buxheti apo ligji për investimet strategjike. Në Kuvend kishte një marrëveshje mes palëve që PD mos i jepej kohë për t’iu përgjigjur akuzave të hedhura.
Pati pretendim sikur sot ishte fundi i një merakatojë, por në fakt merkatoja nis sot”, tha ai.

Po gjatë komunikimit me gazetarët jashtë sallës së Kuvendit, Basha mes humorit tha se do t’i përgjigjej të gjitha pyetjeve të tyre, pasi nuk kishte ku të shkonte, pasi nuk i lejohej që të futej sërish brenda sallës.

“Një sekondë ju lutem se nuk kam ku të shkoj. Nuk më lënë që të futem sërish brenda (qesh)…”, tha Basha. /ZOOM.AL/