Së fundmi, në një speciale në emisionin “Fokus” nga Robert Papa, zëvendës Ndihmës Sekretari Amerikan i Shtetit, Gabriel Escobar dhe ai i Departamenti të Thesarit, Paul Ahern theksuan se do ketë të tjerë në listat ndëshkuese.

Madje, në intervistën dhënë gazetarit të njohur që jeton prej vitesh në SHBA, zoti Papa, Escobar dhe zyrtari i Thesarit Amerikan theksuan këtë të shtunë një zëri, se nuk ndëshkojmë vetëm ata që kanë ikur nga pushteti, por edhe ata që kërcënojnë me destabilizimin e rajonit dhe janë të korruptuar

30 vjet qeverisje me korrupsion e pandëshkueshmëri, e çoi Shqipërinë në një situatë kur Shtetet e Bashkuara të Amerikës të ndërmarrin masa drastike për pjesëtarë të elitës shqiptare.

Në vitin 2018, SHBA shpalli nongrata ish-prokurorin e përgjithshëm Adriatik Llalla duke nisur kështu listën e shqiptarëve të padëshiruar në Amerikë, për shkak të përfshirjes së tyre në korrupsion. Janë deri tani gjashte personazhe të rëndësishme të politikës dhe biznesit si ish-kryeministri Berisha, më pas ish-deputetë si Tomë Doshi apo Aqif Rakipi.. ish-kryebashkiakë si Vangjush Dako, ish-prokurori i Përgjithshëm Adriatik Llala apo biznesmen e drejtues mediash si Ylli Ndroqi…dhe lista pritet të shtohet.

—Escobar theksoi se: Veprimet e sotme nga Departamenti i Shtetit dhe i ai i Thesarit janë synuar ndaj aktorëve që kërcënojnë stabilitetin e rajonit përmes korrupsionit, aktivitetit kriminal dhe sjelljeve të tjera  destabilizuese. SHBA e ka bërë të qartë se ne do të pëerdoim mjete ligjore si sanksionet ekonomike dhe kufizimet e vizave për të ruajtur stabilitetin në rajon. SHBA qëndron me popullin e Shqipërisë, Bosnje Hercegovines, dhe Maqedonisë së Veriut.

Ne jemi të përkushtuar të ndihmojmë Ballkanin Perëndimor që të kuptojnë se zhvillimi i plotë ekonomik dhe demokratik kërcenohen prej korrupsionit.

Dezinjimi Publik ( Non Grata) ndihmon për të mbajtur përgjegjës ata që kryejnë akte korrupsioni ose kryejnë dhunim  të të drejtave të njeriut.

Zyrtari i lartë i Departamentit Amerikan të Thesarit, Paul Ahern tha se:

“Departamenti i Thesarit dezinjoi 7 individë nga Ballkani Perëndimor

Ata janë individë nga vende të ndryshme. Individë që kanë shfrytëzuar pozitat e tyre në pushtet për përfitime personale në dëm të qytetarëve të vendeve të tyre. Kanë lidhje me krimin e organizuar, kanë lehtësuar këto veprime mes ryshfeteve, presioneve në dëm të qytetarëve të vendeve të tyre.

Ksëto veprime jo vetëm kanë rritur korrupsionin, por kanë rritur kërcënimet ndaj stabilitetit në Ballkanin Perëndimor.

Shume nga këta individë janë dënuar nga gjykatat në vendet ku i kanë shkaktuar këto krime, por disa, duke përdorur pushtetin, janë munduar të shmangin ndëshkimet në gjykata. Këta indidivdë mund t’i shmangen ndëshkimit ligjor në vendet e tyre,  por nuk janë më të pa ndëshkuar nga veprimet e tyre në SHBA ose vende të tjera.

Si pasojë e këtij vendimi të gjithë ata individë do bllokohen të  bëjnë biznes me cdo individ në SHBA dhe cdo aset këtu do bllokohet.
Ky veprim nuk ka objekt asnjë grup të caktuar politik ose etnik dhe do vazhdojmë t’i mbajmë përgjegjës aktorët e korrupsionit. Pa patur parasysh se kush janë ata dhe pa patur parasysh çfarë kombësie apo etnie janë.”

A janë veprime për të ndikuar në skenat politike në Ballkan, apo janë thjesht vetëm kundër korrupsionit?

Escobar u mundua të argumentojë se nuk mbajnë anë me asnjë palë politike, duke thënë:

“Kemi disa kërkesa për të plotësuar këto paketa. Nuk ka drejtim pollitik ose ndaj veprimeve politike. Ose për të mbështetur ndonjë alternativë politike në vendet, ku po marrim këtë vendim. Është vetëm kundër korrupsionit. Kur e bëjmë? Kur e shikojmë, të arsyeshme dhe ne do vazhdojmë ta bëjmë këtë duke deklaruar Non Grata dhe sanksione ekonomike.”

Natyrisht, që “FokusTv” disa herë ka kërkuar t’i ofrohen provat e dosje së Berishës apo procedurën dhe përgjigjjet kanë qenë off records, pra na është dhënë informacion por jo për botim. Ndaj, ngulmit, pse merr kaq shumë kohë të ndëshkosh dikë edhe kur ai ka vite që nuk është në pushtet, zyrtari i Thesarit , Ahern, iu përgjigj:

“Ne i marrim këto aksione pas i kemi konsideruar gjatë. Eshtë një proces i ndërtimit të paketave dhe fakteve që duhen për Dezinjimin Publik( ajo që ne e quajmeë Non Grata) Mbas kësaj veprojmë, kur ne mendojmë se është e përshtatshme. Sic tha Escobar korrupsionin e shikojmë si kërcënim ndaj stabilitetit të rajonit. Korrupsioni dhe destabilimi janë të ndërlidhura.  Ne SHBA, ajo që dua të theksoj, do të bëhet shumë e vështirë për këta individë që të bëjnë transaksione mes sistemit ndërkombëtar financiar. Nuk është vetem lidhja me SHBA por me institucionet financiare”.

 Pyetjes nga “FokusTV” se “A do vazhdoni, ende të mbështesni  “Ballkanin e Hapur” në drejimin e Vuçiç, Escobar iu përgjigj me një gjuhë diplomatike:

Pyetjes se a rrezikohet Ballkani Perëndimor nga kriza e Ukrianës, Escobar iu përgjigj se: “Jam i lumtur të them se jemi në kontakte me liderët e Ballkanit Perëndimor dhe të gjithë kanë treguar përkushtim që nuk do të përdorin këtë krizë që të krijojnë kriza në Ballkanin Perëndimor. Të gjitha këto vende votuan në një anë me BE dhe në një anë me komunitetin ndërkombëtar.”

Në fund të emisionit “Fokus nga Robert Papa, që transmetohet në SHBA te Fokus Tv dhe në Shqipëri çdo të shtunë te MCN, ora 23,00, zyrtari i Thesarit Ahern theksoi se:

“Thesari nuk komenton për objektiva të ardhshëm. Ne shkojmë pas korrupsionit, kudo ku e gjejmë. Por duhet ta them se këto nuk do jenë sanksionet e fundit. Kushdo që do ndihmojnë dikë të dezinjuar nga këto sanksione, do jetë përgjegjës për sanksione, gjithashtu ndaj tyre. Kjo do jetë sinjal i fortë për sistemin financiar ndërkombëtar se këa njerëz nuk janë ata me të cilët duhet të keni lidhje”./Zoom.al