Gjithashtu ai theksoi se e sakrikuara më e madhe nga marrëveshja sipas tij, okulte, mes mazhorancës dhe opozitës është Reforma Zgjedhore dhe se Opozita ka humbur garancinë e saj më të madhe, e drejta e votës për t’i vënë mazhorancës kufi që të mos kalojë ligje të rëndësishme duke “peshkuar vota”.

Alibeaj shtoi se dështimi i Reformës Zgjedhore ka kosto për shqiptarët.

“Çdokush kërkon të dijë çfarë u fitua në 5 muaj betejë të rreme. Së pari bilanci bëhet duke iu drejtuar jetës parlamentare. Nga marrëveshja okulte kemi marrë 1 ose 2 komisione hetimore interesi publik i së cili nuk është ai që pritet.

Komisionet bëhen nga një ligj i përcaktuar nga Rama. E sakrifikuara më e madhe është Reforma Zgjedhore. Për opozitën kjo ka një kosto të madhe. Opozita ka humbur garancinë e saj më të madhe, e drejta e votës për t’i vënë mazhorancës kufi që të mos kalojë ligje të rëndësishme duke peshkuar elektronë të lirë. PS e dështoi Reformën Zgjedhore dhe kjo ka bilanc të hidhur për publikun”, u shpreh ai.

PS dhe Rithemelimi kanë arritur marrëveshje për dy Komisione Hetimore dhe kjo nuk u prit mirë nga grupi i Bashës. /ZOOM.AL/