Teknikët po bëjnë gati skenën, gardhin dhe foninë, teksa në podium do ngjiten për të folur krerët e saj. kreu i PD-, ish-kryeministri Sali berisha, pritet të komunikojë me një video-konferencë në ekran, nga shtëpia, ku ndodhet nën arrest.

Protesta e thirrur sot në orën 20:00 nga Opozita ka vënë në gatishmëri edhe Policinë e Shtetit.

Burime nga policia bëjnë me dije se mbi 1200 forca të policisë, duke nisur nga ato të rendit, FNSH, Shqiponjat do të jenë në terren për mbarëvajtjen e protestës. Shpërndarja e uniformave blu pritet të jetë e ngjashme me protestat e mëparshme që janë mbajtur nga opozita më parë. Përballë protestuesve me një kordon që do të jetë përgjatë perimetrit të Kryeministrisë do të jenë punonjësit e rendit dhe ata Shqiponja ndërsa forcat e FNSH do të jenë në gatishmëri në pjesën e pasme.

Ndërkohë për protestën para Kryeministrisë do të vendosen kamera sigurie me rezolucion të lartë në vende të ndryshme për një panoramë sa më të gjerë të aktivitetit të protestuesve, për të pasur nën mbikëqyrje situatën. Në gatishmëri do të jenë edhe forcat RENEA. Do të ketë edhe autobotë me ujë nëse do të ketë nevojë në raste incidentesh. Në terren do të përfshihen edhe agjentët civilë, për të monitoruar mbarëvajtjen e protestës. Dyert e kryeministrisë do të jenë të blinduara me veshje metalike.

Segmentet rrugore që janë të bllokuara 2 orë para nisjes së protestës derin në përfundim të saj janë:

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Ditën e djeshme drejtori i Policisë Muhamet Rrumbullaku ka mbledhur të gjithë shefat e Komisariateve të Tiranës bashkë me Drejtorinë e Policisë së Tiranës ku u ka lënë porositë për protestën e sotme. /ZOOM.AL/