Ai tha se numri i punonjësve në administrata është dyfishuar, ndërsa qëllimi pas një hapi të tillë sipas kreut të PL është patronazhimi.

Meta ktheu në vëmendje gjithashtu edhe rritjen e produkteve ushqimore dhe rritjen e kostos së jetesës për qytetarët shqiptarë.

“Çmimet për qumështin, djathin dhe vezën janë rritur me rreth 140 përqind. Mishi 123 përqind, buka 124 përqind, vaji 122 përqind. Është rritur edhe papunësia.

Ndërsa Shqipëria shpopullohet këto 11 vite administrata ka një fryrja artificiale kuptohet me qëllime patronazhimi.

U premtua ulja e numrit të punonjësve por në të vërtetë numri u dyfishua”, tha Meta ndër të tjera në konferencën për mediat.

Mes të tjerash, Meta u ndal edhe tek rruga Korçë-Ersekë e cila u shemb rreth një muaj më parë.

Ai deklaroi se cilësia e punimeve ishte shumë e dobët, duke shtuar se ky është standardi i rrugëve të ndërtuar nga Rilindja. “Rruga Korçë-Ersekë kishte vetëm dhe, kashtë edhe një cipë asfalt. Këto janë rrugët e Rilindjes”, tha ai. /ZOOM.AL/