Duke luajtur në ndeshjen e tij të katërt që kur u bashkua nga Barcelona këtë verë, Messi shënoi golin e dytë të PSG-së pas një pasimit të Kylian Mbappe, duke ndihmuar skuadrën e tij të fitonte 2-0 kundër Machester City.

Messi shënoi gol në sezonin e tij të 17-të radhazi në Ligën e Kampionëve, duke barazuar një rekord të vendosur nga Karim Benzema .

“Ishte një natë perfekte kundër një kundërshtari të madh. Për ne, ishte shumë e rëndësishme të fitonim këtë lojë pas barazimit në Brugge”, ka thënë fillimisht Messi për Canal+.

“Jam shumë i lumtur që kam shënuar. Nuk kam luajtur shumë kohëve të fundit, kisha luajtur vetëm një lojë këtu. Po përshtatem pak nga pak. Ajo që është e rëndësishme është të vazhdojmë të fitojmë”.

“Marrëdhënia jonë do të bëhet më e mirë me çdo lojë. Ne të gjithë duhet të rritemi së bashku, të rrisim nivelin tonë të lojës. Ne duhet të vazhdojmë”.

“Ne fituam një lojë shumë të rëndësishme kundër një rivali shumë të madh, i cili ishte në finale vitin e kaluar. Ne duhet të vazhdojmë të përparojmë, të përmirësojmë shumë gjëra për të ardhmen”, përfundoi argjentinasi.