Këta persona akuzohen se kanë zhvatur miliona euro nga mashtrimet online përmes bursave. Sipas mediave italiane, hetimet kanë zbuluar një skemë kriminale komplekse, e cila përfshinte pastrimin e parave të vjedhura në vende të ndryshme të BE-së, përfshirë Qipron, Lituaninë, Estoninë, Holandën, Italinë dhe Gjermaninë, dhe shndërrimin e tyre në kripto-valuta.

Hetimet kanë zbuluar gjithashtu rreth 90 mijë kontakte telefonike të shtetasve italianë, për përdorim të operatorëve call center, që u propozoheshin investime false. Sipas Rainews, në Tiranë u sekuestruan dy call center me mbi 60 stacione pune të pajisura me kompjuter personal dhe dy serverë të lidhur me stacionet e punës.

Në të njëjtën kohë, në Itali u sekuestrua serveri i përdorur nga organizata kriminale për të “errësuar” gjurmët e saj kompjuterike dhe për të penguar hetimet.