Në një konferencë për mediat, Sekretari i Përgjithshëm i PD zyrtare, Alibeaj deklaroi se këto janë pazare të vjetra që Rama dhe Berisha i bëjnë për të mbajtur njëri-tjetrin në jetën politike.

Sipas tij, kjo marrëveshje ka si qëllim goditjen e reformës zgjedhore.

“Asgjë e re nga pazaret e vjetra. Gjithçka paska qenë në interesin e një grupi njerëzish për të mbajtur njëri-tjetrin në lojë. E ashtuquajtura marrëveshje ka qenë që së bashku me Edi Ramën të mbajnë monopolin politik. Gjithmonë Berisha dhe Rama kanë menduar që të mbajnë kontrollin e politikës së bashku.

U vërtetua se retorika për revolucion ishte gënjeshtër. Edi Rama dhe Sali Berisha janë kundërshtarë të votës së emigrantëve.

Marrëveshja ka për qëllim që të godasë Reformën Zgjedhore, sepse Rama e Berisha nuk duan sistem që t’ua heqë ndokush të drejtën që të zgjedhin kandidatët. Askush nuk do një zonë zgjedhore, sepse e kanë ndarë Shqipërinë në copash”, tha Enkelejd Alibeaj.