Arrestimet janë bërë gjatë natës me urdhër të Prokurorisë së Tiranës.

Në bazë të hetimit të prokurorisë ka rezultuar se këta dy persona kanë nxjerrë nga sistemi të dhënat e qytetarëve.

Të dhënat financiare të mbi 630 mijë qytetarëve për muajin janar 2021 qarkulluan lirisht pak javë më parë përmes aplikacionit WhatsApp, por skandali u thellua edhe më shumë, pasi më tej doli një listë e shtuar deri në 690 mijë punonjës, me të dhënat e prillit.

Materialet përmbanin të dhëna personale si numrin e kartës së identitetit, numrin e identifikimit të shoqërisë ku janë punësuar ata, përfshirë pozicionin e punës dhe numrin e telefonit.

Pas këtij skandali, kryeministri Edi Rama u kërkoi ndjesë qytetarëve që ishin pjesë e dokumentit me të dhëna personale.

Ai i bëri thirrje prokurorisë të zhvillonte hetime të imtësishme, ndaj atyre që sipas tij me këtë akt synonin të sillnin konfuzion dhe destabilitet.