Aplikacion
Ai tha për “Vijesti” se u ka kërkuar që të mblidhen informacione, ndërsa deklaron se grupet e afërta me Petar Lazoviçin dhe babain e tij Zoran, ish-zyrtar i lartë i policisë, po e cilësojnë atë si fajtorin kryesor për arrestimin dhe po planifikojnë një lloj hakmarrjeje.
Kryeministri nuk ka dashur që “Vijesti” të saktësojë se kush nga rrethi i Lazoviçit e ka në shënjestër, duke e mbajtur si përgjegjës për arrestimin e “Juniorit”.
“Nuk do të heq dorë as edhe një milimetër, pa marrë parasysh kërcënimet, tonet ekstremiste, gjuhën e urrejtjes misionin e krijimit të shtetit ligjor. Përkundrazi, përpjekjet për sabotim, tonet ekstremiste, gjuha e urrejtjes apo kërcënimet janë të kota. E di që kjo shkakton zhgënjim tek shumë njerëz, por ne kemi treguar se Mali i Zi po ecën në rrugën e lirisë dhe nuk ka vend për kartelet e drogës, kontrabandistët e cigareve apo elitat e korruptuara. Jam informuar nga disa burime se grupet e afërta me Lazoviçin ishin kryesisht në shënjestër për shkak të problemeve të tyre me ligjin. Ata po përpiqen të krijojnë një atmosferë në të cilën unë, nga pozita e kryeministrit, gjoja po u bëj presion prokurorëve që ta ndjekin penalisht Lazoviçin dhe grupin kriminal-biznes të njerëzve rreth tyre,”- tha kryeministri Abazoviç.
Ai gjithashtu shtoi se beson se autoritetet nuk do t’i relativizojnë kërcënimet që ai merr./ Zoom.al