Në “Shqipëria Live”, Ledioni tregoi si duket shtëpia e Big Brother VIP. Ai tha se pjesë e formatit do të jenë edhe personazhë të thjeshtë, që do të futen gradualisht në shtëpi dhe secili prej konkurrentëve do të tregojë historinë e tij.

“Ka krevate dopio. Nuk dua t’ju tregoj shumë sepse Vëllai i Madh mërzitet pastaj. Ka 16 krevate në këto dy dhoma, por pjesa më e madhe do të jenë dopio.

Ky do të jetë një Big Brother që do të merret me personazhet publikë, por edhe me historitë e atyre që më pak njohim. Historia është ajo që ka më shumë rëndësi sesa reputacioni. Nesër do të merremi vetëm me VIP-at, por do të tregojmë më vonë dhe historitë që na kanë bërë përshtypje. Ata që nuk e kanë përemrin ‘VIP’ do të bëhen së shpejti pjesë e shtëpisë. Nuk janë pak, janë shumë”, tha Liço.

Sara Hoxha? Laert Vasili? Eros Grezda? Cubi Metka? Egli Tako? Sa prej tyre do të futen?

“Të paktën dy prej tyre dhe futen që nesër”, tha Liço.