Trump mori pjesë në një emision radiofonik në Filadelfia, ku vazhdoi t’i nxiste votuesit republikanë të qëndrojnë në radhët e votimit.

“Ne fitojmë Pensilvaninë, ne fitojmë gjithçka,”- tha Trump për Rich Zeoli Show në Talk Radio 1210 WPHT të Philadelphia.

“Do ta bëjmë këtë vend më të madh se kurrë më parë, por ju duhet të qëndroni në linjë. Dhe mos lejoni që ata t’ju ngadalësojnë. Ju keni një të drejtë ligjore absolute dhe merreni atë votë, sepse nëse fitojmë Pensilvaninë, nëse fitojmë Commonwealth-in e vjetër, ne do të fitojmë të gjithë. Ne fitojmë gjithçka,”- tha Trump.

Ai tha se pyetja e madhe është nëse do arrijë të mbledhë më shumë mbështetje në Filadelfia, e cila ka qenë një bastion i demokratëve./ Zoom.al