Dy takime në një javë dhe me alarmin e tensionet në kulm, në aksin Spanjë-Angli-Gjermani-Francë. Policia duhet të garantojë rendin dhe qetësinë në qytete si Manchester, Madrid, Barcelona, Londër, Mynih, Dortmund dhe veçanërisht në Paris.

Pikërisht në momentin kur tifozët e futbollit po bëhen gati të shijojnë super sfida në Champions League, një kërcënim i hapur vjen nga ISIS, organizata famëkeqe terroriste i cila ka postuar një foto në “Al Azaim”, organi i tyre mediatik, me katër stadiumet që do të presin sfidat në fazën çerekfinale të Champions League, shoqëruar me mbishkrimin:

“Vritini të gjithë”. Ky lajm i bërë publik nga mediat spanjolle ka ndezur alarmin në Madrid, pasi Reali dhe Ateltico janë pritëse në ndeshjet e para. Jo vetëm në Madrid, të gjithë qytetet që do të mirëpresin ndeshjet e Champions League ka shtuar masat e sigurisë pasi i druhen sulmeve terroriste. /ZOOM.AL/