Eftiqia Mastora pranon se i shoqi, Thomai, kishte marrë një kredi fshehurazi, ishte i dhunshëm dhe grindej. Gruaja e moshuar thotë se më mirë të ishte shkarkuar tek ajo, sesa tek dy pleqtë.

“U zu andej, të vinte t’i shkarkonte tek unë, bënte sa herë. Më mirë mua, jo botën. Çfarë i mungonte atij, i munguan ilaçet atij? Pse të marrë kredi pa më pyetur mua. Çfarë faji kam unë, çfarë të bëj, të vras veten? Është mëkat? Çfarë të bëj, nuk mendoi, as për mua, as për djalin. Çfarë të bëj unë? Ku kam unë fuqi? Ku të mbytem?

Kërkoj ndjesë, nuk kam çfarë të them. Unë nuk jam e zonja të vras një gjë që më del rrugës. Nuk kam çfarë të bëj më, më thoni dhe juve çfarë të bëj? Më mbaroi. Mua ai më ka mbaruar, nuk ka punë më me mua, nuk ka më falje. Kërkoj ta di tek cila bankë ka marrë kredi apo kush e ka ndihmuar. Do më lërë pa shtëpi. Nuk e di se sa lekë ka marrë kredi, u çmenda fare. Nga policia e mora vesh. Unë takoj atë? Për çfarë, çfarë t’i them, që mori në qafë dy pleq?”, u shpreh 73-vjeçarja Mastora.