Berisha nuk i ka fituar betejat e deritanishme me drejtësinë, pasi çdo kërkesë e tij është rrezuar nga Gjykata e Posaçme apo Apelit të Posaçëm. Në mënyrë të përsëritur avokati i tij Genci Gjokutaj këmbëngul se drejtësia po vepron nën urdhrat e kryeministrit dhe qëllimi është që Berishës t’i digjet mandati i deputetit.

Gjykata ka refuzuar edhe lejen për të ndjekur Parlamentin disa herë radhazi.

Berisha dyshohet për korrupsion bashkë me dhëndrin e tij Jamarbër Malltezi, në lidhje me procedurat e privatizimit te ish klubit sportiv “Partizani”. SPAK shtyu së fundmi afatet e hetimit edhe për 3 muaj të tjerë. Zgjatja e afateve të hetimit pritet të miratohet nga Gjykata e Posaçme. /ZOOM.AL/