Femrat po jetojnë mes ferrit në Afganistan dhe dita ditës po shohin t’iu ndalohen lirtë e tyre.
Që në gushtin e vitit 2021, kur talibanët u kthyen në pushtet i kanë ndaluar sportet për gratë, si pjesë e një ashpërsimi të kufizimeve, të cilat e kanë vështirësuar jetën e tyre të përditshme.
Nga frika e ndëshkimit, këto gra kanë pozuar duke ushtruar sportet që duan, por me fytyrën të mbuluar, madje edhe sytë.
Gratë dhe vajzat duhet të fshehin identitetet e tyre me burka – veshje që mbulon tërësisht trupin dhe fytyrën, duke lënë vetëm një hapësirë të rrjetëzuar për të shikuar.
Femrat në Afganistan po përballen me kërcënime të vazhdueshme dhe në disa raste janë rrahu nga vetë familjarët e tyre për shkak se merren me sport.
Talibanët i kanë kërcënuar dhe ngacmuar ato që dikur janë marrë me sporte, shpesh duke i frikësuar që të mos e ushtrojnë më as privatisht.
Pushteti i talibanëve ua ka ndaluar grave edhe mësimin e mesëm dhe të lartë. Muajin e kaluar, talibanët kanë urdhëruar përjashtimin e të gjitha grave nga universitetet.
Ju ftojmë të ndiqni disa nga sportistet, të cilat përpiqen në masa të rrepta të ndjekin pasionin e tyre.
1. Një ekip afgan i futbollit të femrave duke pozuar për një portret në Kabul. 2. Një sportiste afgane e arteve marciale me trofetë e saj në Kabul. Një grua e re, e cila është rrahur nga nëna e saj dhe është përbuzur nga fqinjët e saj, ndihet e tronditur. “Unë nuk jam më i njëjti person”, ka thënë ajo. 3. Një vajzë afgane duke ushtruar tajkondo në Kabul.4. Portreti i një gruaje afgane që praktikon muai tai në Kabul. 5. Një boksiere afgane në Kabul. 6. Një vajzë afgane duke ushtruar Skateboard në Kabul. 7. Një grua afgane, e cila merret me një art luftarak japonez.8. Një grua afgane me biçikletën e saj të garave në Kabul. Talibanët po ashtu ua kanë ndaluar grave të vizitojnë parqet apo palestrat, dhe kërkojnë që ato ta mbulojnë fytyrën dhe flokët kur dalin në publik. 9. Vajzat afgane në Kabul duke praktikuar artin luftarak kinez, vushu. 10. Një lojtare afgane e kriketit, në Kabul. 11. Një lojtare afgane e volejbollit, në Kabul. Një grua tjetër ka rikujtuar se, në ditën kur talibanët hynë në Kabul, trajneri i saj kishte thirrur nënën e saj dhe e kishte nxitur ta nxirrte vajzën jashtë vendit. Por, nëna e saj kishte refuzuar t’ia përcillte porosinë, sepse nuk donte që vajza e saj të largohej. Kur ajo kishte marrë vesh për porosinë, kishte prerë venat dhe ishte dërguar në spital. “Bota ishte bërë e errët për mua”, ka thënë ajo. 12. Një basketbolliste afgane në Kabul.13. Gratë afgane duke praktikuar boksin tajlandez. “Ndonëse jeta ime ishte e vështirë, kisha vetëbesim dhe e dija se, me mund, do të arrija çfarë dëshiroja. Tani, nuk kam më shpres”, tha një boksiere /zoom.al/
