Së bashku dy lojtarët e fituan 13 herë gjatë 16 viteve Topin e Artë.

Që kur Ronaldo u nominua për çmimin për herë të parë në vitin 2003, të paktën një nga dy gjigantët është nominuar çdo vit.

Futbollisti i Barcelonës Lamine Yamal ka lindur 3 vite pasi Ronaldo fitoi për herë të parë Topin e Artë dhe këtë vit, ai nominohet për herë të parë, por pa qenë në një listë me dy legjendat.

Që prej 2008, vetëm dy lojtarë e kanë ‘puthur’ Topin e Artë. Në fillim, Luca Modric në 2018 dhe më pas Karim Benzema në 2022.

Robert Lewandowski e fitoi në 2020 por ceremonia nuk u mbajt për shkak të Covid-19. Këtë vit, ndërsa ceremonia do mbahet në Paris, nis një epokë e re, pa Messin dhe pa Ronaldon.

Si favorit për këtë edicion padyshim vlerësohet Vinicius Jr . Sulmuesi ishte protagonisti i madh i dy trofeve të Realit, titulli në Spanjë dhe Champions.

Braziliani ka me shume shanse edhe pse “seleçao” dështoi në Copa America. Përveç brazilianit një tjetër kandidat për të fituar topin e artë është dhe Rodri, i cili u shpall edhe si Lojtari më i Mirë i Kampionatit Europian, ndërsa përveç tij mund të ëndërrojnë dhe Bellingam ndonëse edhe pse dështimi i dytë radhazi në finalen e europianit, mund t’ia zbeh shpresat për ta bërë për vete çmimin më të rëndësishëm individual.

Nëse e fiton Vinicius, ai do të futej në histori si lojtari i parë fitues që ka lindur këtë shekull.

100 gazetarë kanë votuar 30 kandidatët e përzgjedhur nga France Football për Topin e Artë, të cilët janë pjesë e përfaqësueseve që klasifikohen mes 100 vendeve të para në renditjen e FIFA-s. Fituesi do të përzgjidhet në bazë të paraqitjeve individuale dhe sukseset e arritura me skuadrat në nivel klubesh apo kombëtaresh në periudhën nga 1 gushti 2023 deri më 31 korrik 2024.

Ceremonia do të jetë edicioni i 68-të i ndarjes së çmimeve dhe do të nis në orën 20:45.