Ai po shfaqet më pak në media, me kronikat që parapërgatit apo eventet partiake gjithnjë në rënie.
Por sot, në mënyrë të pazakontë ai ka mbyllur edhe Instagramin.

Llogaria e tij  zyrtare me më shumë se 385 mijë ndjekës nuk shfaqet askund në rrjetin e njohur social, ku Veliaj ishte shumë aktiv.

Ende nuk dihet zyrtarisht se çfarë ka ndodhur, teksa flitet për dy skenarë: mbyllje e llogarisë si pasojë e hetimeve të SPAK dhe sulm kibernetik.

Mbyllja për herë të parë e llogarisë në Instagram nga Veliaj ndodh për herë të parë. Ajo erdhi pak orë pasi SPAK njoftoi sekuestrimin e pasurive të kompanisë “5D” në pronësi të drejtorëve të Bashkisë së Tiraës. Pjesë e sekuestros është edhe një hotel luksoz që disa nga drejtorët e arrestuar po ndërtonin në Durrës.

Sipas raportimeve në disa media, një punonjëse e kësaj kompanie ka konfirmuar se pronar i hotelit është Erion Veliaj, por Zoom.al nuk ka mundur t’i konfirmojë ende ato.

Një ditë më parë, kreu i opozitës, Sali Berisha tha se SPAK ka firmosur urdhër-arresti për Veliajn dhe vëllain e tij, por më pas është tërhequr.

Kjo lëvizje e Veliajt vjen pikërisht në një moment ku rrjetet sociale janë në shënjestër të SPAK si burime për informacione të flefshme rreth çështjeve në hetim. /ZOOM.AL