Aplikacion
Burimet bëjnë të ditur se konflikti ka nisur për largimin e makinave pranë selisë së PD por më pas ka agravuar.
Autori i plagosjes dyshohet se është Ndriçim Jonuzi i cili është shpallur në kërkim.
Ndërkohë kandidatja e PD GRida Duma tha se agresorët që shkaktuan konfliktin fillimisht janë përfaqësues të policisë bashkiake, Markel Shtylla e Dorian Troplini.
Njoftimi:
Kavajë/Informacion paraprak
Plagosi me armë zjarri 27 vjeçarin, identifikohet dhe shpallet në kërkim autori i dyshuar.
Vijon krehja e zonës për kapjen e tij.
Sot rreth orës 19:00, në lagjen nr.4, në Kavajë, shtetasi N. J., dyshohet se si pasojë e një konflikti për motive të dobta, ka hyrë në ambientet e brendshme të një zyre elektorale të një subjekti politik dhe ka plagosur me armë zjarri pistoletë në këmbë shtetasin B. O., 27 vjeç, i cili ndodhet në spitalin e Durrësit, nën kujdesin e mjekëve.
Menjëherë forca të shumta Policie kanë shkuar në vendngjarje dhe vijon krehja e zonës si edhe janë ngritur pika kontrolli në hyrje -dalje të Qytetit për kapjen e autorit.
Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes.
“Kokorroçin mos e bëj me mua” – Debat i fortë mes Babaramos dhe Ndrecës: Mos më trash zërin!