Përpjekja e SpaceX për të ndihmuar Ukrainën filloi kur zëvendës kryeministri i vendit, Mykhailo Fedorov, i bëri një lutje publike Musk në Twitter fundjavën e kaluar, duke thënë, “ndërsa ju përpiqeni të kolonizoni Marsin – Rusia përpiqet të pushtojë Ukrainën! Ndërsa raketat tuaja ulen me sukses në Hapësira- Raketat ruse sulmojnë njerëzit civilë ukrainas! Ne ju kërkojmë t’i siguroni Ukrainës stacionet Starlink dhe t’u drejtoheni rusëve të arsyeshëm”. Ishte një nga një varg postimesh në Twitter që Fedorov u drejtoi figurave të ndryshme të teknologjisë me bazë në SHBA, duke iu lutur atyre të ndërmarrin veprime në emër të Ukrainës.

Musk u përgjigj me oferta për të ndihmuar, njoftoi se rrjeti Starlink tani ishte aktivizuar në Ukrainë dhe këtë javë, një kamion me terminale përdoruesish – të cilat kërkohen për t’u dhënë përdoruesve akses në shërbimin e internetit të bazuar në satelit – mbërriti.

Të mërkurën, ai ndau një foto të asaj që dukej të ishte një antenë aktive Starlink në punë.

Sipas Alp Toker, i cili drejton firmën e monitorimit të internetit, shumica e vendit ende ka akses në lidhjet e tyre normale të internetit me bazë Tokën, pavarësisht nga sulmet ndaj infrastrukturës tjetër të komunikimit, si një kullë televizive në kryeqytetin e Kievit, nga rusët. Por zona të caktuara kanë përjetuar ndërprerje, tha Toker./Zoom.al/