Një shtetas rus i akuzuar si kritik i Kremlinit, ka përfunduar edhe në prangat e policisë shqiptare. 57-vjeçari, i identifikuar si Aleksandër Bobovnikov është arrestuar në Rinas, pasi ishte shpallur në kërkim nga shteti rus për veprën penale të mashtrimit.

Bobovnikov, me profesion neurokirurg, erdhi në Shqipëri me miqtë e tij gjermanë të hënën me charter, pasi kishte festuar ditëlindjen me ta në vendin europian. Arsyeja se përse 57-vjeçari ishte shpallur në kërkim, është pasi është shprehur kundër luftës në Ukrainë.

Ai më herët ai është ndaluar në Firence, por gjykata italiane ka ndaluar ekstradimin për shkak të natyrës politike të çështjes për të cilën kërkohej në vendin e tij.

Do pritet nëse Gjykata e Tiranës në seancë për vlerësimin e masës së sigurisë, do aprovojë kërkesën e Moskës për ekstradim. 57-vjeçari disponon edhe pasaportë izraelite. Vendet e Bashkimit Europian e kanë refuzuar arrestimin e tij, ndërsa aktualisht mbetet të shikohet cili do të jetë qëndrimi i drejtësisë shqiptare. /ZOOM.AL/