Aplikacion
Si pasojë, gjyqtari i Gjykatës së Tiranës, Besnik Hoxha e ka dënuar për kryerjen e veprës penale të “Ndërtimit të paligjshëm”, për qëllime fitimi.
Në fund, me aplikim të gjykimit të shkurtuar dhe të pezullimit të dënimit, këngëtari është dënuar me 3 vite shërbim prove.
Po ashtu, ka marrë një gjobë prej 500 mijë lekësh (të vjetra) nga IKMT.
Si nisi gjithçka?
Më 16 shkurt 2021, në Komisariatin e Policisë Nr.2 u njoftua me telefon nga një qytetar, se në rrugën “Shefqet Musaraj”, te një ndërtesë 2-katëshe të pabanueshme, po kryheshin punime ndërtimore pa leje.
Pas njoftimit, efeltivët shkuan në vendin e ngjarjes dhe gjatë këqyrjes u konstatua se kjo godinë ishte në bllokun e ish-magazinave, te ish-NISHARAK.
Boiken Lako deklaroi se punimet po kryheshin për llogari të tij në godinë, të cilën e kishte marrë me qira, për ta kthyer në një studio muzikore. Më pas ai ka shkuar te Njësia Administrative Nr.7 dhe ka aplikuar më 21 Janar 2021.
Por sipas IKMT-së, leja e marrë nuk parashikonte punimet që po kryheshin.
Sipas shkresës nga IMT-ja Bashkia Tiranë, thuhet në vendimin e gjykatës, se inspektorët kanë konstatuar që po bëheshin punime pa dokumentacion në objekt, e cila konsiston në hapjen e katër dritareve në njërën faqe të objektit, me përmasa 75x140cm dhe 120x140cm, në katin e dytë të ndërtesës. Ndaj Lakos është mbajtur procesverbal i konstatimit të kundravajtjes më 17 Shkurt 2021, ndërsa më 26 Shkurt është dënuar me 50 000 lekë gjobë.
Në deklarimet e tij, Bojken Lako është shprehur se me dokumentin me të cilën ishte pajisur, kishte menduar që mund të bënte ndërhyrje, duke hapur edhe dritaret në katin e dytë dhe të mos kishte probleme.