Në një video të shpërndarë nga kryebashkiaku Erion Veliaj në rrjetet sociale dëgjohet emri Bela, siç i thërrasin ndryshe Belinda Ballukut.

Por në këtë rast nuk bëhet fjalë për zëvendëskryeministren, por për një mace.

Veliaj ka treguar përmes videos operacionin e shpëtimit për një mace që quhet Bela dhe që kishte rënë në një pus të thellë.

“Po ç’bën moj kotele! Falë kolegëve të zjarrfikëses, trazovaçja e vogël, që kishte rënë në një pus 20 metra të thellë pranë Shkollës së Kuqe, është tani e sigurt dhe në gjendje të mirë”, shkruan Erion Veliaj.