Presidenti Bajram Begaj habiti jo pak me listën e personave që përfshiu në delegacionin që mori me vete në OKB.

Përpos bashkëshortes së tij, djalit, shoqes së gruas, bashkëshortit të shoqes së gruas, Asllan Baraj, ky i fundit biznesmen i njohur i një fabrike tullash në vend, ai madje ka përfshirë në delegacion edhe parukieren e Zonjës së Parë të vendit.

Këto dy të fundit, biznesmeni dhe make-up artist janë shënuar në listë si Këshilltarë të Jashtëm.

Por habia e listës së Begajt, nuk përfundon me kaq, pasi një nga numrat në listë, ai 13 nuk ka emër duke mbetur kështu mister.

Gjithashtu numri 10, pikërisht Alisa Demollari, nuk ka udhëtuar në New York pasi është larguar nga posti i zëdhënëses së Presidentes pak kohë më parë.