Dhe nuk është për tu habitur fakti që ai po i bën kaq shumë dedikime Kiarës përmes muzikës së tij. Fillimisht, këngën e parë që e riktheu në treg, “Me ty”, ai ia dedikoi asaj që kur ishin në formatin e njohur. Pas daljes, “Përjetësisht” ishte një tjetër dedikim për moderatoren. Dhe tani ai ka gati një tjetër këngë për të.

Madje, këtë herë do e titullojë “Kiara”.

Kjo gjë është zbuluar nga regjisori Xhulian Shabani, i cili do të merret me regjinë e videoklipit të Luizit, nëpërmjet një postimi në Facebook. Ai shkruan se Luiz ka filluar xhirimet e këngës së tij më të re “Kiara”.

“Kthehem me një pikënisje e më të fortë se më parë! Regjia ime, së bashku me ekipin tim te SynopsisAds do bëjm video klipin e Luiz Ejli, për këngën “Kiara”. Kjo është një kënaqësi e madhe për mua, sepse tregon se vlerat e një artisti nuk vdesin kurrë, por ushqehen nga puna e palodhshme dhe angazhimi i ekipit të talentuar!”, ka shkruar regjisori në Facebook.