Punonjësja arrin t’i dallojë menjëherë kartëmonedhat e rreme dhe këtu lind një debat. I riu ia mbath, por më pas arrestohet së bashku me dy të tjerë.

Dialogu:

I riu: Si kalove, po haje bukë
Punonjësja i sheh lekët
I riu: Ca ka
Punonjësja: Ku shkon me këto
I riu: Urdhëro, si ku shkoj
Punonjësja: Se janë false të gjitha
I riu: Je mirë?
Punonjësja: Ti i sjell false dhe thua a jam mirë unë, apo të telefonoj policinë dhe të shohim kush është mirë ti apo unë
I riu: Janë marrë nga banka
Punonjësja: Janë marrë nga banka?
I riu: A ka mundësi që të m’i japësh lekët mbrapsht
Punonjësja: Pse i sjell në këtë zyrë false

(I numëron, i dalin 2000 dollarë)

View this post on Instagram

A post shared by Zoom.al (@zoom.al_news)

Njoftimi i policisë:

Operacioni, i zhvilluar nga Seksioni për Hetimin e Krimit Ekonomik dhe Financiar në DVP Tiranë.

Hidhnin në treg kartëmonedha të dyshuara të falsifikuara, vihen në pranga 3 shtetas.

Sekuestrohen sasi të konsiderueshme të kartëmonedhave të prerjes 50 dollar, të dyshuara të falsifikuara, dhe një automjet.

Specialistët e Seksionit për Hetimin e Krimit Ekonomik dhe Financiar në DVP Tiranë, pas një punë te mirëfilltë hetimore disajavore, bazuar dhe në informacionet e marra në rrugë operative se disa shtetas, në bashkëpunim me njëri-tjetrin, hidhnin në qarkullim nëpër subjekte të ndryshme tregtare, kartëmonedha të dyshuara të falsifikuara, organizuan dhe finalizuan me sukses operacionin policor të koduar “50 Dollars”.

Në kuadër të këtij operacioni u bë ndalimi i shtetasve:

– V. K., 29 vjeç, banues në Tiranë, E. D., 32 vjeç, banues në Kavajë, dhe E. K., 32 vjeç, banues në Rrogozhinë, për veprën penale “Falsifikimi i monedhave”, kryer në bashkëpunim.

Këta shtetas, në bashkëpunim me njëri-tjetrin, dyshohet kanë hedhur në qarkullim nëpër subjekte të ndryshme tregtare, në Tiranë dhe në qytete të tjera, kartëmonedha të prerjes 50 dollar.

Vijon puna për dokumentimin e plotë të veprimtarisë kriminale të këtyre shtetasve.