Komentet e Chris erdhën disa orë pasi Akademia e Arteve dhe Shkencave të Filmit e ndaloi Will-in të merrte pjesë në “Oscar” për 10 vjet për shkak të shuplakës. Megjithatë, Willit iu lejua të mbante çmimin e tij për aktorin më të mirë për King Richard, të cilin e fitoi më pak se një orë pasi goditi Chrisin.

Gjatë ndarjes së çmimeve “Oscar” më 27 mars, Will doli në skenë dhe e goditi Chris pas një shakaje që ai bëri me Jadën, e cila rruajti kokën pas sëmundjes së alopecisë. Will u pa fillimisht duke qeshur me shakanë, por Jada rrotulloi sytë dhe më pas ai u ngjit në skenë për t’i dhënë Chris një shuplakë në fytyrë.

Më pak se një orë pas shpërthimit të tij, Will u nderua me çmimin “Oscar” për aktorin më të mirë dhe mori një ovacion të fortë për fjalimin e tij të përlotur, në të cilin ai e quajti veten mbrojtës të familjes së tij.

Pasi arritën në vendimin e tyre për të ndaluar Will-in për 10 vjet, Akademia lëshoi ​​një deklaratë duke denoncuar sjelljen e tij ‘të papranueshme’ dhe ‘të dëmshme’, për të cilën ata thanë se ‘ra në hije’ pjesa tjetër e shfaqjes së çmimeve.

Në përgjigje të ndalimit 10-vjeçar, Will lëshoi ​​një deklaratë për Deadline duke thënë se e pranon dhe respekton vendimin e Akademisë./L.K

/Zoom.al