Më pas ishte radha e kompanive të teknologjisë së lartë.

Pastaj erdhi radha e ambasadave: amerikanët, anglezët, gjermanët, të gjithë duke u larguar, më mirë të lëvizin në Lviv.

Prej disa ditësh ky është momenti i errët i restoranteve dhe klubeve luksoze nga oligarkët: ato mbeten të hapura, por pak më pak, sepse të pasurit prej javësh janë zhvendosur në Europë, duke zëvendësuar oligarkët rusë që iu vendosën sanksione.

Askush nuk ruan më në kuzhinë ushqime gatimi për më shumë se dy ose tre ditë, thotë një kuzhinier i njohur, as nuk mund ta imagjinoni se si do të jetë tregu pas një muaji: “Do të thotë që do të gatuajmë për ushtrinë”.

Nuk do të jenë vetëm rusët, të dënuar dhe të vendosur në cep të ekonomisë botërore, viktimat e kësaj lufte të akullt.

Presidenti Volodymyr Zelensky tha me 12 janar se gjysmë miliardë dollarë u transferuan jashtë vendit nga llogaritë bankare të Ukrainës.

Dhe vetëm javën e kaluar, rreth njëzet avionë luksozë dhe çartera privatë transportuan “qindra njerëz me të ardhura të larta” diku tjetër: një agjent imobiliar na tha se vilat dhe apartamentet luksoze në zonat e banuara të Kievit tashmë po dalin në shitje.

Sipas Qendrës për Hulumtime Ekonomike dhe Biznesi, tetë vjet konflikt në Donbass i kushtuan Kievit rreth 280 miliardë dollarë.

Merrni Detin e Zi: nga porti i Odessa, mund të shihni një varg të gjatë anijesh në vendkalim, të cilat prej javësh kanë pritur të shkarkojnë kontejnerë të pashkarkueshëm, sepse nga njëra anë ka kalatat e pushtuara nga Marina e Ukrainës, nga ana tjetër ka pamjen e flotës së dërguar nga Putin.

Ukraina ka qenë gjithmonë një nga qendrat më të mëdha të kontejnerëve në botë, duke zënë 12 për qind të trafikut global dhe çdo muaj ajo humbet pjesën e tregut ndaj Bosforit fqinj turk.

Të gjitha furnizimet tani shkojnë për forcat e armatosura, të vetmet që blejnë. Ndërsa investitorët kanë vendosur të largohen nga Ukraina.

“Na duhen para nga Fondi Monetar Ndërkombëtar, ashtu siç trupi i njeriut ka nevojë për gjak”, ishte apeli i Kievit pak kohë më parë, por këto para tashmë janë dhënë dhe FMN-ja ka pak besim: asnjë parakusht për kredinë nuk është plotësuar, nga reformimi i drejtësisë shumë të korruptuar në atë të sistemit bankar në duart e oligarkëve. Dhe mosbesimi ndaj perspektivave të Ukrainës, natyrisht, rritet sa herë që Biden dhe Putin sulmojnë njëri-tjetrin.

Është kjo nga arsyet që, javët e fundit, qeveria ukrainase është përpjekur të ulë tonet. Pasi ishte i pari që bërtiti për pushtimin e afërt, ai filloi të minimizonte paralajmërimet amerikane për manovrat e Kremlinit.

Zelensky, bazuar tek të dhënat katastrofike të ikjes së investitorëve, u zemërua edhe me “sinjalin e keq” të dhënë nga zhvendosja e ambasadave. Është shumë vonë tani: paniku ndërkombëtar tashmë e kishte bërë punën ndërsa pushtimi i Donbasit pro-rus po ua merr edhe ushqimin.

Ekonomia e Moskës do të qajë për sanksione, (nëse do të qajë), ndërsa  në Kiev, edhe rezervat e lotëve po mbarojnë./Corriere della sera