Aplikacion
Ai ka mundur që në këto dy muaj betejë për rikthimin e sovranitetit në PD dhe largimin e Lulzim Bashës, ta godasë jo pak këtë fundit edhe në atë që konsiderohet si pika më e fortë e tij, grupin parlamentar.
Teksa data për mbajtjen e Kuvendit Kombëtar po afron, Berisha ka mundur të sigurojë mbështetjen e 10 deputetëve demokrat, duke e lënë Bashën me vetëm 41 të tillë.
Belind Këlliçi, që mban edhe postin e Forumit Rinor Demokrat, është deputeti më i fundit nga radhët e Grupit Parlamentar të Partisë Demokratike që ka dalë në krahë të ish-kryeministrit Sali Berisha.
Të parët që dolën kundër Bashës dhe pro Berishës ishin deputetët Edi Paloka, Flamur Noka dhe Tritan Shehu. Ata jo vetëm që e kritikuan hapur kryedemokratin për vendimin e Sali Berishës, por u bën pjesë e përhershme e çdo foltoreje që ka mbajtur lideri historik i së djathtës në këto javë.
Pas tyre, “Foltores” iu bashkua edhe deputeti Bujar Leskaj, të cilit Basha i ka besuar edhe postin e drejtuesit politik të këtij qarku.
Një tjetër figurë e rëndësishme nga radhët e grupit parlamentar të PD-së që iu bashkua Berishës, ishte edhe Edmond Spaho, që më parë ka mbajtur edhe detyrën e kryetarit të grupit parlamentar të kësaj force.
Listës së mbështetësve të Berishës nga radhët e grupit iu bashkua edhe deputeti i Fierit, Luan Baçi, ai i Elbasanit, Luçiano Boçi, kryetarja e Lidhjes së Gruas Demokrate, Albana Vokshi dhe ish-bashkëkryetari i reformës zgjedhore, Oerd Bylykbashi.
Deputetët që mbështesin Berishën
Edi Paloka
Flamur Noka
Tritan Shehu
Bujar Leskaj
Luan baçi
Oerd Bylkbashi
Edmond Spaho
Albana Vokshi
Luçiano Boçi
Belind Këlliçi
Pikantja nga EURO 2024, pse Danimarka u kualifikua e dyta e grupit nëse ishte e baraz me sllovenët?