Çfarë kishte ndodhur?

Gjatë inaugurimit të një shkolle në Tiranë kamerat me zunë me duar në xhepa. Dhe ju (Rexhep Qosja) bëtë një analizë e cilësuat “Opozitë me duar në xhepa”. Unë u sfidoj të gjithëve të gjej që nga ajo kohë një foto që të jem me duar në xhepa gjatë një vizite pune. Menjëherë më kujtohet Rexhep Qosja dhe tak i heq duart nga xhepat”, tha Rama.

Ne s’e kemi vëzhduar me aq vëmendje qëndrimin e kryeministrit tonë kur shfaqet në publik, nëse i mban apo jo duart në xhepa. Pastaj, kjo pak rëndësi ka se ku i mban duart ai, sepse mbajajta e duarve as ka qenë pjesë e programit elektoral dhe as nuk është pjesë e programit qeverisës.

Ajo që kemi parë në këto vite është se qeveria e drejtuar prej tij i ka futur shumë thellë duart në xhepat tanë: me rritjen e çmimeve, me rritjen e korrupsionit, me mungesën e konkurrencës, me shpërndarjen pa kritere të punëve publike, me rritjen e taksave, me shtrenjtimin e jetesës në çdo anë. Ndaj, pak rëndësi ka se ku i mban duart kryeministri. E rëndësishmë është që të mos i mbajë në xhepat tanë. /Mikel Ora