Kështu deklaroi ambasadorja amerikane në Shkup, Kejt Mari Bërns duke konfirmuar se SHBA-të do të kyçen në këtë çështje dhe në negociatat.

“Vazhdojnë bisedimet me të gjithë partnerët, kemi bisedime me qeverinë këtu në Shkup, bisedime me vendet fqinje dhe në të gjithë Evropën, që të bëjmë çfardo që mundemi që ta mbështesim lëvizjen e procesit përpara. Nuk kam ndonjë paralajmërim konkret në këtë moment, përveç që të konfirmoj se SHBA do të kyçet në këtë çështje dhe bisedimet, sepse të gjithë e ndajmë vizionin e njëjtë që Maqedonia e Veriut  të marrë vendin e merituar në BE dhe shpresojmë se kjo do të jetë shpejtë”.

Por, Zv/Kryeministri për Çështje Evropiane thotë se problemi kryesor në përparimin e bisedimeve qëndron tek atmosfera e shantazheve që vijnë nga pala bullgare.

“Problem i madh për përparimin e bisedimeve rreth historisë dhe temat ku kemi dallime, është atmosfera e kërcënimit. Edhe populli maqedonas edhe ai bullgar kanë një thënie “me forcë nuk ka bukuri”. Nuk mund të ketë afërsi të vërtetë dhe progres të vërtetë nëse kjo atmosferë shantazhi vazhdon. Nuk mund të kemi afërsi të vërtetë dhe përparim kur ka kërcënime”.

Dimitrov shtoi se Bullgaria e kë shkelur nenin 2 të marrëveshjes për fqinjësi të mirë.

“Bullgaria e ka shkelur nenin 2 të Marrëveshjes, sipas të cilit Sofia do të na ndihmonte në rrugën evropiane, dhe jo të na bllokojë dhe të na largojë. Ne përjetuam dy Veto dhe përjetuam problematizim të diçkaje që është shumë e brendshme, problematizim i gjuhës tonë në nivel evropian dhe në këtë kuptim këto hapa e kanë bërë shumë të vështirë dialogun e sinqertë. Ky është problem kryesor në këtë moment”.

Këto komente u bënë gjatë nënshkrimit të memorantumit me qendrën për zhvillim ndërkombëtar të Estonisë.

Burimi: Klan Macedonia