Kancelarja u prit në aeroportin e Rinasit nga ministrja e Jashtme, Olta Xhaçka dhe ambasadori gjerman në Shqipëri, Peter Zingraf.

Në këtë vizitë, Merkel kishte zgjedhur që të vishte një palë pantallona të zeza dhe një xhaketë ngjyrë blu. “The Guardian” shkroi së fundmi në një artikull se nëse do të kuptosh se çfarë do të thotë kancelarja në takime apo konferenca, mjafton që të shohësh veshjen e saj.

Duket se Merkel e ka veshjen si një kod për të treguar nëse do të flasë për tema serioze, tema paqësore apo do të japë ultimatume të prera. Po xhaketa blu e veshur ditën e sotme çfarë do të thotë?

Nisur nga çfarë u tha më sipër, Merkel pritet të bisedojë për gjëra serioze, pasi kjo ngjyrë jep pikërisht këtë mesazh.

Ndërkohë kujtojmë se kjo është vizita e fundit e Merkel në Ballkan, pasi në fund të shtatorit dorëzon detyrën si kancelare, pas 16 vitesh.