Në një intervistë në emisionin Opinion, Lapaj tha se të paktën 70mijë vota, do t’i marrë nga diaspora.

Përballë moderatorit të emisionit Blendi Fevziu, ai argumentoi edhe pse nuk iu bashkua koalicionit të Partisë Demokratike.

“Në fakt me këtë filozofi erdhi Rama në 2013-ën, duke bërë koalicion edhe me krimin, duke bërë aleancën e qelbësirave, që siç duket 12 vite më vonë e ka futur vendin në qorrsokak. Nëse votat ikin, i ikin një opozite që deri tani ka luftuar për një sistem të mbyllur, që për mua është njësoj si forca në pushtet. Të dyja palët u bënë bashkë për një sistem të mbyllur”, tha Lapaj.