E veshur me pantallona xhins të zbehur, sytjena me print leopardi, me një tatuazh në bark dhe në gjoks, imazhi 3D i krijuar nga kompjuteri shtrihet dhe duket se troket në dritare për të tërhequr vëmendjen.

Ajo përkulet përpara, merr frymë dhe shkruan fjalën “ndihmë”.

Hologrami është krijuar për të përfaqësuar Bernadette “Betty” Szabo, një 19-vjeçare nga Hungaria e cila u vra disa muaj pasi solli në jetë fëmijën në 2009.

Vrasja e saj me thikë është mbuluar me mister për 15 vjet. Detektivët holandezë po përdorin teknologjinë inovative për herë të parë në përpjekje për të zgjidhur rastin.

Imazhi i adoleshentes se vrarë po projektohet nga pas një dritareje, përkrah qindra vajzave të reja që vazhdojnë të bëjnë jetesën në këtë industri tejet të rrezikshme.

Hetuesit shpresojnë se hologrami i gjallë do të ndihmojë në lëvizjen e kujtimeve dhe për të tërhequr vëmendjen ndaj vrasjes së pazbardhur.

Deri më tani, vrasësi i Betty-t i ka shpëtuar drejtësisë dhe detektivja Anne Dreijer-Heemskerk është e vendosur ta ndryshojë këtë: “Një grua e re, vetëm 19 vjeçe, e marrë nga jeta në një mënyrë kaq të tmerrshme.”

Szabo kishte një jetë të vështirë dhe historia e saj ishte e vështirë, sipas detektives.

Ajo ishte zhvendosur në Amsterdam në moshën 18-vjeçare dhe mbeti shtatzënë menjëherë më pas. Ajo vazhdoi të punojë gjatë gjithë shtatzënisë, duke u rikthyer në punë menjëherë pasi lindi djali i saj.

Ishte në orët e para të 19 shkurtit 2009, kur dy punonjëse seksi shkuan për të kontrolluar nënën adoleshente gjatë një pushimi mes klientëve, sepse e kuptuan se muzika e saj e zakonshme nuk po dëgjohej.

Kur hynë në shtëpinë e saj publike, një dhomë e vogël me një krevat të mbuluar me plastikë, tavolinë dhe lavaman, ata zbuluan trupin e Betty Szabo.

Ajo ishte vrarë tre muaj pas lindjes, viktimë e një sulmi të egër me thikë.

Foshnja e saj u vendos në kujdestari dhe nuk e njohu kurrë nënën e tij, një fakt që motivon detektivët.

Edhe pse policia nisi menjëherë një hetim për vrasjen, vrasësi i saj nuk u gjet kurrë. Ata kërkuan pamjet e CCTV dhe morën në pyetje dëshmitarët e mundshëm.

Shumica e njerëzve që synojnë punonjëset e seksit janë turistë. Policia dyshon se autori është i huaj.

Tani ata po u bëjnë thirrje njerëzve që mund të kenë vizituar Amsterdamin të kthehen pas në kohë dhe, me një shpërblim prej 30,000 € për të inkurajuar dëshmitarët që të japin informacion për krimin.