Mes demokratëve dhe socialistëve pati debate sepse të majtët nuk pranuan që të thirret Vilma Nushi, me argumentin se ajo nuk ka lidhje me këtë koncesion.

Por deputeti i PD Saimir Korreshi e akuzoi Vilma Nushin se ka marrë 1.5 mln euro nga lekët e shqiptarëve dhe për këtë arsye, sipas tij, edhe ajo është e detyruar të paraqitet në komision.

“Ju po thoni që ai që ka marrë lekët, nuk qenkan pjesë e kontratës. Vetëm këtu e dëgjojmë që nuk duhet të thirren ata që marrin lekët, kush i ka marrë leket e shqiptarëve? Vetëm devidenti ka rrujt një milion e gjysmë euro, quhet kjo? Në qoftë se kjo i ka marrë se ka shit ndonjë barake jashtë lekëve të shqiptarëve, dakord s’po e thërrasim.

Ka marrë lekët e shqiptarëve kjo, ka përfituar fonde publike dhe është e detyruar të vijë në këtë komision. Pikë! Shoku Edi Rama, a ishte ky që i ngriti këto koncesionet si fitore mbi xhon turqit. Këtë vit na shpjegoi se pse u ngrit projekt i këtyre PPP, kap ça të kapësh dhe ça suksesi ka pas në buxhet.

Shoku Edi Rama e ka bërë këtë kaq të madhe, se politikën e ka bazuar në këtë, fushatën e tij mbi PPP. Shoqa Vilma ka marrë 1.5 milionë euro, i ka çuar në plazh, është ngrohur atje me 1.5 milionë euro të shqiptarëve. Ne presim të kthehet, nëse është me pushime”, tha Saimir Korreshi.