Sipas hetimeve, ata grabisnin paratë e mbledhura në arkat e Kishës Katolike dhe më pas, në bashkëpunim me pronarë biznesesh në Peleponez, i investonin ato në lokale nate.

Mediat greke raportojnë se nga arkat e kishës janë marrë 3 milionë euro.

Autoritetet u vunë në lëvizje pas alarmit të kuq që dhanë bankat, kur vunë re lëvizje të parave në shuma të mëdha. Priftërinjtë i kalonin këto para në llogaritë bankare të pesë biznesmenëve.

Llogaritë bankare dhe pasuritë e pesë pronarëve të klubeve të natës janë sekuestruar.

Të akuzuarit për pastrim parash pritet të merren në pyetje nga autoritetet.