Gjetjet nga komiteti i financave në Senat ka nxitur dyshime se kompania Affinity Partners po paguhet nga të huajt që kërkojnë të “blejnë” ndikim në rast të një rikthimi të Trump në Shtëpinë e Bardhë.
Hetimi u njoftua nga komiteti i drejtuar prej demokratëve, si përgjigje ndaj raportimeve të New York Times, se Kushner po kryente negociata për pasuri të patundshme përtej vendit, ndërsa vjehrri i tij po bën fushatë elektorale.

Dokumentet u publikuan pak ditë më parë nga Zoom.al, duke ngritur shqetësime serioze se qeveritë e huaja, përfshirë qeverinë shqiptare dhe atë serbe.

Raporti tregon se Kushner po përdorte kontaktet që kishte krijuar gjatë punës së tij në Shtëpinë e Bardhë si këshilltar i Trump.

Investigimi i Senatit gjeti se asnjë fitim nuk ka shkuar për sauditët dhe investitorët e tjerë të Affinity pavarësisht tarifave të majme që ka grumbulluar.

Ron Wyden, kreu demokrat i komitetit i kërkoi kompanisë informacion.
Në një letër drejtuar Chad Mizelle, zyrtari kryesor ligjor i Affinity, ai tha se gjetjet e hetimit kanë “rritur shqetësimet e mia se investimet në fondet e menaxhuara nga Affinity krijojnë konflikte të paprecedentë interesi”.

Ai shtoi: “Investitorët e Affinity mund të mos motivohen nga konsiderata komerciale, por më tepër nga mundësia për të derdhur paratë e qeverisë së huaj tek anëtarët e familjes së Presidentit Trump, përkatësisht Jared Kushner dhe Ivanka Trump”.
Wyden tha se tarifat e investitorëve të huaj përfshinin 87 milionë dollarë nga qeveria e Arabisë Saudite.

“Paaftësia e Affinity për të shpërndarë kapitalin, ndërkohë që përthith tarifa të larta më bëjnë të besoj se Affinity është pjesë e një skeme kompensimi që përfshin figurat politike amerikane duke devijuar Aktin e Regjistrimit të Agjentëve të Huaj (FARA),”, shkroi ai.

Komentet e Wyden amplifikojnë shqetësimet e ngritura më herët se mbështetja e Affinity në investitorë të huaj, rrit shqetësimet për sigurinë.

“Fondet e investimeve private që marrin para ekskluzivisht nga investitorë të huaj të ekspozuar politikisht paraqesin sigurinë kombëtare të shtuar dhe rreziqe të tjera”, shkroi ai. “Qeveria amerikane ka theksuar së fundmi se si paqartësia dhe statusi i rregulluar lehtë i fondeve private mund të paraqesin rrezik për sigurinë kombëtare.”
Mizelle, në një deklaratë për Neë York Times, i quajti kritikat e Wyden “politike” dhe këmbënguli se firma ishte në përputhje me ligjet federale dhe rregulloret etike. Vonesa në kthimin e fitimeve nuk ishte e pazakontë, tha ai.

“Përveç politikës partizane, Affinity Partners është një firmë investimi e regjistruar në SEC, Komisioni i Vlerave dhe Shkëmbimeve, që ka vepruar gjithmonë siç duhet dhe çdo sugjerim për të kundërtën është i rremë”, shtohet në deklaratë.
Kushner ka pranuar më parë se kompania e tij – e së cilës ai është pronar i vetëm – ka lëvizur “ngadalë” për të investuar 3 miliardë dollarë që ka marrë nga investitorët që nga themelimi i saj në 2021, duke përmendur mungesën e marrëveshjeve tërheqëse në dispozicion.
Pjesa më e madhe e fondeve – 2 miliardë dollarë – vijnë nga fondi i investimeve publike të qeverisë saudite. Por përfshin gjithashtu para nga fondet sovrane të pasurisë së Katarit dhe Emirateve të Bashkuara Arabe, dhe nga Terry Gou, miliarderi tajvanez pronar i Foxconn, prodhuesi më i madh i kontratave elektronike në botë.

Komiteti i Senatit thotë se ekziston një “investitor i huaj misterioz” i pestë që Affinity ka refuzuar ta identifikojë.
Nuk janë vetëm demokratët ata që kanë vënë në dyshim marrëveshjet e Afinity. James Comer, kryetar republikan i komitetit të mbikëqyrjes së Dhomës së Përfaqësuesve, i tha CNN vitin e kaluar se Kushner “kapërceu vijën e etikës” në lidhje me financimin saudit për kompaninë./ The Guardian