Çifti, i cili kohët e fundit rinovoi betimet e martesës në Hawaii dhe njoftoi shtatzëninë e tyre të parë, u nisën për në Japoni për një babymoon, sipas “In Touch”. Babymoon është një festë/udhëtim relaksues ose romantik i prindërve të ardhshëm përpara se të lindë fëmija. Megjithatë, udhëtimi i tyre doli të ishte një zhgënjim.

“Babymoon i tyre ishte një zhgënjim i plotë. Miqtë që i panë në hotelin e tyre [Aman Kyoto] thanë se dukeshin të mjerë. Justin lëvizte me biçikletë përreth dhe dukej i trishtuar dhe i largët, kur kjo duhet të kishte qenë një nga periudhat më të lumtura në jetën e tij. Hailey ishte gjithmonë pranë tij dhe përpiqej t’i ngrinte humorin, por ai rrallë buzëqeshte. Nuk dukej se ata po argëtoheshin fare”, tha një burim i brendshëm për gazetën.

Për më tepër, burimi ndau gjithashtu se Hailey po përpiqet të mbështesë Justinin, i cili ende po lufton me problemet e shëndetit mendor.

“Ai është ende në botën e tij. Hailey është shoqja e tij e vetme e vërtetë dhe ajo është nën një presion të madh për t’u përpjekur ta shohë atë përmes kësaj rruge të vështirë. Është e vështirë për të, veçanërisht tani që ajo është shtatzënë”, tha burimi. “Por nëse dikush mund ta nxjerrë Justin-in nga kjo periudhë e errët, është Hailey. Ai e do atë më shumë se çdo gjë dhe të dy mezi presin të mirëpresin fëmijën e tyre të parë”. /ZOOM.AL/