Çifti, që janë martuar prej gjashtë vitesh, rinovuan betimet e tyre dhe Hailey veshi një fustan të gjatë të bardhë me dantella të Saint Laurent.

Nga fustani dukej barku i saj i rrumbullakosur dhe në vend të vellos kishte vendosur një shall dantelle në kokë.

Ajo e kompletoi look-un me një palë syze dielli Saint Laurent të zeza. Në foto, çifti tregoi unazat e tyre të martesës me diamante nga Tiffany’s.

Një burim tha për People, “Ata të dy janë shumë të emocionuar, ndihen kaq të bekuar. Ata e ndanë lajmin me familjen dhe miqtë e tyre të ngushtë. Ishte shumë e rëndësishme ta ruanim sekret dhe ta shijonim sa më shumë derisa ta konfirmonin publikisht”.

Çifti tashmë e kanë menduar emrin e fëmijës, gjininë e të cilit nuk e kanë treguar, ndërsa kanë nisur të dekorojnë dhomën.

Hailey Bieber është gjashtë muajshe shtatzënë, ndaj foshnja do të lindë në verë.