Të tjerë mund të mos hezitojnë të shfaqen pa rroba para mijëra apo edhe miliona spektatorëve, por ka nga ata që as nuk e negociojnë, madje e kanë vënë si klauzolë në kontratat e tyre që të mos marrin pjesë në skena të tilla.

Disa nga zonjat e famshme të Hollivudit, të cilat gjatë karrierës së tyre numërojnë shumë role në seriale dhe filma, por nuk janë shfaqur asnjëherë të zhveshura para kamerave, janë:

Julia Roberts

Julia Roberts e ka bërë të qartë në një intervistë se nuk do të shfaqet asnjëherë e zhveshur në ekran.

Duke folur për Marie Claire, ajo tha: “Nuk do të dilja nudo në një film.”

Sarah Jessica Parker

Sarah Jessica Parker është gjithashtu një nga aktoret e famshme të Hollivudit që refuzon të filmojë skena nudo.

Në një intervistë për Hollywood Reporter, ajo kishte thënë: “Unë nuk gjykoj askënd që zgjedh ta bëjë këtë. Mendoj se është fantastike që njerëzit ndihen rehat duke e bërë këtë. Nga ana ime, nuk ka të bëjë fare me parimet, fenë apo ideologjinë. Vetëm se disa janë të guximshëm dhe disa jo. Unë nuk jam në atë listë të guximtarëve”.

Kristen Bell

Edhe kur iu desh të vishte të brendshme për të filmuar një skenë në “House of Lies”, Kristen Bell u kujdes që të mos zbulonte shumë trupin pasi tha se nuk ndihej rehat.

“Kur m’u desh të qëndroja me sytjena dhe të brendshme në ‘House of Lies’, u sigurova që asgjë të mos dukej. “Të gjithë ishin sikur “Oh, Kristen është lakuriq”, dhe unë thosha “Epo, ëndërroni”, tha ajo për Women’s Health.

Jessica Alba

Arsyeja pse Jessica Alba nuk dëshiron të shfaqet kurrë e zhveshur në një film nuk është askush tjetër veçse familja e saj.

Aktorja shpjegoi në një intervistë për Glamour se e vetmja arsye që ajo nuk ka filmuar një skenë nudo është sepse nuk dëshiron që familja e saj ta shohë atë.

“Nuk dua që gjyshërit e mi të shohin gjoksin tim. Kjo eshte e gjitha. Do të ishte e vështirë në tryezën e Krishtlindjes. Dhe, dua të them, me të vërtetë, nëse shikoni filmat që kam bërë, të shfaqesh lakuriq nuk do të bënte asgjë të mirë”, kishte thënë ajo.

Jennifer Garner

Kur u pyet në vitin 2009 nëse do të dilte ndonjëherë nudo në ekran, aktorja menjëherë e bëri të qartë se kjo është diçka për të cilën “thjesht nuk i intereson”.

“Shanset janë zero për qind,” tha Jennifer Garner për MTV . Ajo vazhdoi duke thënë: “Jo faleminderit. Mendoj se bota meriton më mirë. S’jam e interesuar”.

Rebel Wilson

Aktorja foli kohët e fundit për përvojën e saj me Sacha Baron Cohen në “The Brother Grimsby”. Siç ka përmendur ajo, asnjëherë nuk ndihej rehat kur ishte e zhveshur para kamerës.

Aktorja e bëri të qartë se nuk do ta bënte dhe vendosi si klauzolë në kontratën e saj që të mos dilte e zhveshur para kamerës. Kështu produksioni punësoi një aktore tjetër për ta zëvendësuar në ato skena.

“Ata donin lakuriqësi të plotë. Ndërsa ne kishim shkruar në kontratë ‘jo nudo’”, tha ajo për Marie Claire. “Si rezultat, produksioni punësoi një vajzë tjetër për ato skena dhe e detyruan t’i bënte të gjitha këto gjëra.”

Blake Lively

Ka qenë shumë e qartë se pse nuk dëshiron të shfaqet e zhveshur në kamera. “Kur shoh lakuriqësi në filma, është gjithmonë shpërqendruese,” tha ajo për Daily Mail në vitin 2012. “E di nëse jam duke parë një skenë dhe dikush ka gjoksin jashtë, atëherë kjo është gjithçka që po shikoj. Pra, thjesht nuk mendoj se do të jetë e duhura për mua.”