Novruz Cenalia

Një parakalim makine i futi dy të rinjtë në konflikt.

Mes sharjesh e ofendimesh, debati i nisur në rrugë mes tyre degjeneroi në përdorimin e armës së zjarrit.

Edhe pse i veshur me uniformë policie, 28-vjeçarit Novruz Cenalia iu drejtua arma dhe Azgan Mernica shkrepi një plumb në kokën e tij.

Pasi u dëgjua e shtëna, efektivi mbeti i vdekur në vend, ndërsa autori 23-vjeçar nxitoi të braktiste vendin e krimit.

Me makinën, për parakalimin e të cilës u përplas me 28-vjeçarin, Azgan Mernica udhëtoi deri te shtëpia e dajës së tij.

Azgan Mernica

Kur mbërriti aty, 23-vjeçari zbriti nga makina dhe u zhduk mes arash në fshatin Baltëz, duke vënë policinë në kërkim të tij.

Për arrestimin e tij janë angazhuar forcat RENEA dhe Forcat e Ndërhyrjes së Shpejtë, ndërsa me dronë po kontrollohet nëpër ara për të bërë lokalizimin e Azgan Mernicës, që ndryshe njihej edhe me emrin Asllan Mernica.

Nëse qytetarët ndihmojnë me detaje për vendndodhjen e tij, Policia e Fierit jep 30 mijë euro shpërblim.

Deri në prangosjen e 23-vjeçarit, Drejtori i Policisë së Fierit, Lorenc Paganika kërkon edhe ndihmën e familjarëve që ta bindin atë të dorëzohet./ Zoom.al