Ish-kryebashkiaku i Lezhës, Fran Frrokaj, është një prej tyre që është liruar sot nga burgu, pasi përftoi nga amnistia penale.

Pas daljes, ish-zyrtari i lartë i bashkisë, i opozitës, dha një mesazh për të gjithë qytetarët: “Uroj të mos ta provojë askush”, tha ai për gazetarët.

“Përshëndetje për të gjithë. Shëndet dhe mbarësi për familjet e tyre. Uroj të mos ta provojë askush”, ishte mesazhi i Frrokajt pas daljes nga burgu.

Frrokaj u dënua në muajin tetor të vitit 2022, me 3 vite burg për veprën penale shpërdorim detyre, për tjetërsim pronash tek “Rana e Hedhun” në Shëngjin.

Nga ky ligj përfitojnë 1100 të dënuar me burgim, nga të cilët 700 do të lirohen menjëherë, ndërsa 400 të tjerë përfitojnë ulje dënimi. Po ashtu, nga amnistia përfitojnë edhe 2 700 persona në shërbim prove. /ZOOM.AL/