Anëtari i Kryesisë së PD të Rithemelimit, Belind Këlliçi njofton përmes një reagimi në rrjetet sociale se protesta e radhës do të zhvillohet të premten, më 26 prill, ora 11:00.

Ai shprehet se opozita nuk do të tërhiqet deri në largimin e kryebashkiakut Erion Veliaj.

Reagimi i Këlliçit:

“Korrupsioni i Erion Veliajt, djeg çdo ditë ëndrrat e të rinjve dhe shpresën e kryeqytetasve për të jetuar në një metropol Europian. Tirana sot është një qytet i vjedhur, pa teatër, pa galeri, pa bibliotekë, pa cirk, pa mjedise argëtimi dhe edukimi, pa parqe, pa hapësira publike, me shkolla me 2 turne, pa çerdhe, me trafikun më të rënduar në Europë dhe me ajrin më të ndotur në botë. Këtë realitet, nuk e meriton asnjë qytetar i Tiranës, pa asnjë dallim politik.

Ndaj për këto arsye, e shumë të tjera, ftojmë sërish qytetarët e Tiranës, javën tjetër, në protestën e rradhës, e premte, datë 26 prill, ora 11:00, përpara zyrës së pronarit faktik të inceneratorit Tiranë dhe 5D, Erion Veliaj. Ne nuk tërhiqemi pa larguar nga zyra kryebashkiakun dhe kryehajdutin e Tiranës. O sot, o kurrë!”. /ZOOM.AL/